8 deputetë të Parlamentit Europian pjesë grupit parlamentar të PPE-ve përmes një letre i kanë kërkuar kryeministrit Edi Rama të tërhiqet nga miratimi i ndryshimeve të njënashme të Kodit Zgjedhor, derisa të shprehet Komisioni i Venecias për çështjen. Letra e eurodeputetëve për shefin e qeverisë shqiptare vjen vetëm pak orë para se ne Kuvend të votohet dekreti i presidenit Ilir Meta që riktheu për shqyrtim në Kuvend Kodin e ri Zgjedhor, por që në komsionin e Ligjeve ky dekret u rrëzua dhe ndryshimet mbetën në fuqi. Në letrën e tyre eurodeputetet shprehen se janë tronditur kur kanë mësuar që Kryeministri Edi Rama ka thyer Marrëveshjen e 5 Qershorit me frymën e saj, përmes miratimit të ndryshimeve të njëanshme në Kodin Zgjedhor . Eurodeputetët bëjn apel që të pritet Opinioni i Komisionit të Venecias dhe maxhoranca të tërhiqet nga Ndryshimet e njëanshme te kodit zgjedhor si dhe të dëgjohet këshilla e Komisioneri Evropian për Zgjerimin. “Ky opinion pritet në dhjetor dhe duhet të pasqyrohet në Kodin tuaj Zgjedhor përpara zgjedhjeve të përgjithshme të Prillit 2021 që, siç deklarohet në kushtet, duhet të jenë të lira dhe të drejta. Kjo është shumë e rëndësishme në funksion të përpjekjeve për të mbajtur Konferencën e parë Ndërqeveritare, e cila shpresojmë të japë dritën e saj jeshile jo vetëm për Maqedoninë e Veriut por edhe për Shqipërinë. Ne jemi shumë të tronditur nga deklaratat tuaja që tregojnë se ju refuzuat këshillën e Komisionerit dhe dëshironi të shkelni praktikën e vendosur që asnjë miratim i ligjit të mos ndodhë përpara se të vlerësohet Opinioni i Komisionit të Venecias”, thuhet ne letren e eurodeputeteve . Ata i kujtojne kryeministrit Rama se në rezolutën e miratuar nga PE qershorin e vitit të kaluar që rekomandoi hapjen e negociatave të pranimit në BE sapo Shqipëria të përmbushë 15 kushtet e vendosura nga KE, më e rëndësihmja prej tyre është reforma zgjedhore.