Pjetër Ndoci, i shpallur në kërkim ndërkombëtar për vjedhje me dhunë, u arrestua këtë të mërkurë në kufirin mes Shqipërisë dhe Malit të Zi. 40-vjeçari është shpallur në kërkim nga Luksemburgu, për veprën penale “Vjedhja me dhunë” në mënyrë të përsëritur. Operacioni policor I koduar ‘Montenegro’ u krye në bashkëpunim me FAST Albania, FAST Montenegro, FAST Luxembourg dhe me policinë kufitare të Muriqanit. Bazuar në informacionet dhe të dhënat e herëpashershme mes këtyre autoriteteve, Ndoci u kap në flagrancë, ndërsa ndaj tij u ekzekutua nga autoritetet policore të Malit të Zi, urdhër arresti ndërkombëtar i lëshuar nga autoritetet ligjzbatuese të Luksemburgut. Policia bëri me dije se po vijojnë proceduarat përkatëse për ekstradimin e tij për në Luksemburg. Ndërkohë, hetimet nga ana e policisë dhe autoriteteve përkatëse do të vijojnë për të cuar kështu përpara drejtësisë të gjithë njerëzit të përfshirë në veprimtari të ndryshme kriminale si dhe ato që janë të shpallur në kërkim ndërkomëbtar.