Një moment prekës që lidhet edhe me ngjarjet dhe protestat e fundit në Greqi u regjistrua gjatë njërës prej paradave ushtarake në Greqi. Klaudia Lata me origjinë shqiptare , ishte një nga 57 viktimat e aksidentit tragjik të Tempit në 2023. Bashkënxënësit e saj, dy vite më vonë, nuk e harruan dhe thirrën me zë të lartë emrin e saj në Selanik gjatë paradës së Shkollës Ushtarake të Korpusit të Oficerëve ku ajo studionte. Ata nuk e harruan dhe në mënyrë ritmike përsërisnin vargjet e këngës së mëposhtme që ja kishin kushtuar asaj. “Ishe e vogël, shumë e vogël, njëzet e një vjeçe, e bukur si një engjëll, e pikturuar por ti u zhduke brenda një çasti mbi këto shina ku u shuan edhe shpirtra të tjerë. Dhe tani ti nga lart Nga vendroja patrullon për të gjithë ne. Prandaj dhe unë ty nuk të harroj Klaudia të dua!” Videoja përkatëse, sipas gazetarit të Top Channel Aleksandër Marku, është publikuar në shumicën e portaleve greke, ka luajtur në emisione televizive, ndërsa është postuar edhe nga grupi online «Shoqata e të afërmve të viktimave të Tempit 2023.