Eshtrat e gjetura pasditen e së dielës në Fushë Kuqe të Kurbinit u dërguan për ekzaminim në institutin e mjekësisë ligjore në kryeqytet. Pas veprimeve të para hetimore, ekspertët arritën në konkluzionet se mbetjet kockore I përkasin ndonjë të riu që mund të ketë ndërruar jetë gjatë dekadës së fundit. Për të hedhur dritë mbi ngjarjen, do të verifikohet e gjithë lista e personave që janë raportuar të zhdukur, përfshirë edhe një 28-vjeçar nga zona e Adriatikut, afër vendit ku u gjetën eshtrat. Familjarët e 28-vjeçarit, mbi të cilin ka më shumë dyshime, do jenë të parët që do iu merret AND-ja për të bërë krahasimin, ndërsa ekzaminimet do përcaktojnë nëse bëhet fjalë për ekzekutim apo vdekje natyrale.