Detaje të reja janë zbuluar nga rrëzimi i helikopterit rreth tre javë më parë në zonën e Vermoshit. Autoritetet bëjnë me dije se në të udhëtonin dy shqiptarë. Ky konkluzion erdhi pas kryerjes së një AND-je, nga gjurmët e gishtërinjve të mbetur në helicopter. Mirëpo, ky është I vetmi detaj I cili është zbuluar nga autorietet, duke mos bërë publike as emrat dhe as ndonjë detaj tjetër në lidhje me dy shtetasit shqiptar. Kjo për shkak të ruajtjes së sekretit hetimor dhe derisa të zbardhet e gjithë pista e hetimit, emrat dhe identitetit I tyre nuk do t bëhet I ditur. Ngjarja ndodhi më datë 4 tetor, vetëm 50 metra nga kufiri me Malin e Zi. Piloti I helikopterit dhe pasagjeri u larguan menjëherë nga vendi I ngjarjes me një mjet të tipit furoristradë. Policia bëri me dije se njofitmin për rrëzimin e avionit e morën rreth orës 12:30 dhe se policia e Shkodrës, e Malësisë së Madhe dhe ajo kufitare u nisën në vendin e ngjarjes mirëpo ishte tepër vonë, sepse në helikopterin e rrëzuar nuk ndodhej askush. Nga hetimet e kryera, rezultoi se një bari I zonës përreth ka parë të gjithë ngjarjen dhe e ka rrëfyer atë përpara policisë. Sipas bariut, ai e ka pyetur pilotin nëse është mirë, ndërsa ky I fundit nuk I ka kthyer përgjigje, duke ngritur kështu dyshime se ishin të huaj. Më pas pasagjeri k areagaur duke thënë se janë mirë. Bariu gjithashtu është shprehur për grupin hetimor se pranë vendit ku u ul avioni i vogël ka shkuar një makinë e bardhë dhe i ka marrë të dy, pilotin dhe pasagjerin e tij. Dyshimet jane që helikopteri mund të përdorej për transport të lëndëve narkotike, mirepo në zonën përreth nuk është gjetur drogë.