Pak takimit mes presidentit amerikan Donald Trump dhe homologut rus, Vladimir Putin, pothuajse të gjitha qeveritë e vendeve të BE-së ranë dakord për një linjë të përbashkët në mbështetje të Ukrainës. Vetëm Hungaria është kundër. Sipas BE-së, ukraina duhet të përfshihet në vendimet për paqen. Në deklaratën e përbashkët të 26 kryetarët e shteteve dhe qeverive të vendeve anëtare të BE-së theksohet: "Ne ndajmë bindjen, se një zgjidhje diplomatike duhet të mbrojë interesat jetike të sigurisë së Ukrainës dhe Europës". Ukrainasit duhet të vendosin për të ardhmen e tyre. Më tej theksohet: Një "paqe e drejtë dhe e qendrueshme" për Ukrainën duhet të jetë në harmoni me të drejtën ndërkombëtare, duke përfshirë edhe parimin bazë, që "kufijtë ndërkombëtar nuk lejohet të ndryshohen me dhunë". Lidhur me këtë "nuk mund të vendoset pa Ukrainën". Vetëm Hungaria e refuzoi deklaratën e BE-së. Kryeministri hungarez Viktor Orban në platformën X shkruan: "Masa e vetme e arsyshme për udhëheqjen e BE-së, do të ishte që sipas modelit të takimit SHBA-Rusi, të iniciojë një samit BE-Rusi. Le t'i japim një shans paqes", tha ai. Eshtë "mjaft e trishtueshme", që BE në bisedime është "spostuar në rolin e spektatorit". "E vetmja gjë, që do ta përkeqësonte situatën, do të ishte të jepeshin këshilla nga vija anësore", shton Orban. Ai jo vetëm e refuzon si të pakuptimtë dhe si zgjatje të luftës ndihmën ushtarake të BE-së për Ukrainën. Por edhe sanskionet e BE-së ndaj Rusisë, sipas Orbanit, nuk ndihmojnë për zgjidhje: Ai i kritikon sanksionet vazhdimisht të padobishme dhe që dëmtojnë ekonominë europiane.