Më 9 shkurt, shteti më i ri në kontinentin evropian do të zgjedhë një kryeministër të ri. Këto zgjedhje, në një vend që ende nuk njihet nga Serbia, shihen si përcaktuese për të ardhmen e Kosovës. Që nga shpallja e pavarësisë në vitin 2008, vendi përballet me sfida të mëdha, si papunësia e lartë, institucionet e dobëta, emigrimi masiv i të rinjve dhe përpjekjet për stabilitet. Kështu shkruan media gjermane, Berliner Zajtung në një artikull kushtuar zgjedhjeve në Kosovë. Gazeta kujton tensionet e vazhdueshme me Serbinë dhe sulmet terroriste në veri të vendit. Për këtë arsye, vijon artikulli, këto zgjedhje janë një provë e rëndësishme për Kryeministrin aktual Albin Kurti, partia e të cilit, Vetëvendosje, në zgjedhjet e fundit në vitin 2021 shënoi një fitore historike me mbi 50 për qind të votave.