Xhudistja nga Kosova Distria Krasniqi, është nisur drejt finales në Lojërat Olimpike Verore, që po mbahen në Tokio. Ajo ka mposhtur të shtunën lojtaret, Gabriela Chibana, Chen-Hao Lin dhe Urantsetseg Munkhbat në kategorinë deri në 48 kilogramë. Komiteti Olimpik i Kosovës ka thënë se xhudistja Krasniqi sapo i ka siguruar Kosovës medalje olimpike. “Distria Krasniqi i ka siguruar medalje olimpike Kosovës nga Lojërat Olimpike Tokio 2020. Xhudistja jonë mundi Urantsetseg Munkhat të Mongolisë, për të kaluar në finalen e madhe. Bravo Distria dhe shumë fat e suksese në finale. URIME KOSOVË MEDALJA E DYTË OLIMPIKE!”, ka thënë ky Komitet përmes një postimi në Facebook.