Pandemisë nuk i ka ardhur ende fundit por më e keqja ka kaluar. Këhstu është shprehur mjeku i njohur Tritan Kalo, i cili ka postuar një foto nga korridori i urgjencës së shërbimit të sëmundjeve infektive, ose sic njihet ndryshe Spitali Covid 1. Kalo shprehet se ndërgjegjësimi i qytetarëve, përkujdesja e stafit mjekësor si edhe vaksinimi në vijimësi i grupeve të rriskuara po jep rezultate pozitive. Sidoqoftë, mjeku edhe një herë bën thirrje që të tregojnë kujdes të gjithë qytetarët. “Kohë kovidiane….Një foto sot herët në mëngjes nga koridori i Urgjencës së Shërbimit të Sëmundjeve Infektive/Covid-1 në QSUNT….Vetndërgjegësimi i popullatës, Puna, Përkushtimi, Profesionalizmi dhe Përkujdesja e staffit mjeksor si dhe Vaksinimi në vijëmësi jo vetëm i grupeve të riskuara, pak nga pak PO sjellin frutet e duhura në uljen e furisë së kësaj “flame mbarëbotërore”, shkruan Kalo. A e kemi fituar plotësisht këtë betejë me armikun e padukshëm, ENDE JO…..Më e rëndësishmja është se e kemi kaluar periudhën më të vështirë dhe më të dhimbshme, të përplasjes me virusin jetëlëndues dhe jetëmarës të Sars-Cov2/Covid-19….”Ditë më të mira pas kësaj do të vinë.” thotë ai duke ftuar qytetarët që në cdo rast të mos nënvlerësojnë në asnjë moment rrezikun e infektimit.