Pjesëtarë të familjes mbretërore, përfshirë Dukën dhe Dukeshën e Kembrixhit, dhe fëmijët e tyre, janë fotografuar duke mos respektuar distancimin social me familjarë të tjerë, në një park, të dielën. Princi Uilliam dhe familja e tij, sipas Mail Online, kanë shëtitur përkrah xhaxhait të tij Princit Eduard dhe familjes së tij, afër rezidencës së mbretëreshës në norfolk, sandringham. Foto të botuara nga gazeta, tregojnë më shumë se gjashtë persona të pranishëm, me dy familjet që qëndronin shumë pranë ndërsa vizitonin Luminate Sandringham. Vizitorëve në park i kërkohet të qëndrojnë në grupe prej maksimumi gjashtë personash, në pajtim me udhëzimet. Duke iu përgjigjur artikullit, një burim nga Sandringhami tha se kishte patur momente në shëtitjen 90 minutëshe, kur ishte e vështirë që të mbaheshin larg dy grupet familjare. Britania e madhe aktualisht po përballet me një rritje të rasteve të koronavirusit dhe emergjencën e një varianti me gjasë shumë më infektues.