Kosova ka vendosur të qëndrojë në të njëjtën linjë me Presidentin Donald Trump sa I takon organizatave të huaja terroriste. Më 20 Janar të këtij viti Trump pasi erdhi në krye të Shtëpisë së Bardhë shtoi në listën e grupeve terrorsite dhe një sërë kartelesh por dhe organizatash të tjera, Kështu, ai lëshoi urdhrin ekzekutiv për të përfshirë në listë edhe: Cártel del Golfo , Cártel de Jalisco Nueva Generación, Cártel de Sinaloa, Cártel del Noreste, Carteles Unidos, La Nueva Familia Michoacana, Mara Salvatrucha (MS-13) dhe Tren de Aragua. por veç këqtyre grupeve disa prej tyre famëkeqe sa I takon trafikimit të drogës por dhe krimeve kundër personit, Trump riktheu në liste edhe rebelët Huthi në Jemen. Grup ky që ka mbështetjen e Iranit dhe që ishte nxjerrë nga lista me vendim të ish-presidentit Joe Biden për shkak të shqetësimeve se një gjë e tillë mund të pengonte dërgimin e ndihmave të domosdoshme në Jemen. Këto vendime kanë bërë që Kosova të qëndrojë në linjë me SHBA, dhe të përditësojë listën sa herë ajo ka ndryshime nga Shtëpia e Bardhë. Në listë është dhe grupi I Hezbollah.