Presidentit palestinez Mahmoud Abbas i është bllokuar pjesëmarrja në sesionin e Asamblesë së Përgjithshme të OKB-së në Nju Jork muajin e ardhshëm pasi atij dhe 80 zyrtarëve të tjerë palestinezë i janë hequr vizat, e konfirmuarkjo nga Departamenti Amerikan i Shtetit. Kreu i DASH-it, Marco Rubio i fajësoi ata për minimin e përpjekjeve për paqe dhe për faktin që sic tha ai, kërkojnë "njohjen e njëanshme të një shteti palestinez hipotetik". Vendimi, i cili menjëherë u përshëndet nga Izraeli, është i pazakontë, duke qenë se nga SHBA-ja pritej lehtësimi i udhëtimit për zyrtarët e të gjitha vendeve që dëshirojnë të vizitojnë selinë e OKB-së. Ndalimi vjen pasi në seancen në fjalë, Franca kryeson përpjekjet ndërkombëtare për të njohur një shtet të Palestinës- cka kundërshtohet me forcë nga administrate trump. Ambasadori palestinez në OKB, Riyad Mansour, kishte thënë më herët se si kryetar i delegacionit të tij, Mahmud Abbas apo Abu Mazen sic njihet ndryshe, do të marrë pjesë në takimin e krerëve të shteteve dhe qeverive në Nju Jork. Megjithatë, një zyrtar i Departamentit të Shtetit njoftoi më vonë se Abbas dhe rreth 80 palestinezë të tjerë do të preken nga vendimi për t`i refuzuar dhe hequr vizat anëtarëve të Organizatës për Çlirimin e Palestinës (OCP) dhe Autoritetit Palestinez. Vec Francës, edhe Britania, Kanadaja dhe Australia kanë shpallur planet për të njohur një shtet palestinez në Asamblenë e Përgjithshme të ardhshme të OKB-së, duke iu bashkuar mbi 140 vendeve që tashmë e kanë bërë tashmë një gjë të tillë.