Partia Demokratike nëpërmjet derjtuesi të Departmentit të Shëndetësisë, Ilir Alimehmeti, ka denoncuar grumbullimin e mbetjeve të rrezikshme spitalore në ambientet e QSUT. Sipas Alimehmetit, një gjë e tillë ështe e papranueshme dhe po rrezikon jetën e pacientëve që shkojnë për tu shëruar. Është e papranueshme që dhjetëra tonelata mbetjesh të rrezikshme spitalore grumbullohen në ambientet e QSUT-së dhe nuk përpunohen dhe as nuk eliminohen prej të paktën dy muajve e gjysëm. Është e papranueshme që jo vetëm nuk eliminohen në kohë, por që në mënyrën më tallëse dhe abuzuese me shëndetin, mbetjet spitalore të shkojnë e të depozitohen brenda Spitalit të Onkologjisë dhe të Spitalit të Neurologjisë në QSUT! Një fakt I tillë sipas Alimehmetit është pranuar edhe nga vetë autoritetet. Zyrtarisht pranohet nga administrata se ka përfunduar kontrata me firmën që menaxhonte këtë shërbim. Sipas Alimehmetit e gjithë kjo situatë ka ngecuar, pasi synohen tenderime dhe vjedhje të parave të shqiptarëve, duke sjellë si shembull edhe koncesionin e sterilizimit.