Krusha e madhe dhe ajo e vogël, dy fshatra pranë prizrenit, pranverën e 1999, nuk mund ta harrojnë. më 26 mars, paramilitarët serbë, shoqëruar nga rreth 50 banorë serbë të fshatit, rrethuan fshatrat. Gratë dhe fëmijët, u urdhëruan të nisen drejt Shqipërisë, ndërsa meshkujt, pleq, të rinj dhe fëmijë, në krushë të vogël, i detyruan të hynin në një shtëpi, ku i pushkatuan dhe më pas i vunë edhe zjarrin. Vetëm gjashtë persona arritën të shpëtojnë nga kjo tragjedi, 112 burra dhe djem u vranë. Një ditë para 26 marsit të 99, serbët kishin vrarë edhe 9 banorë të këtij fshati, ndërkohë që pas luftës, një fëmijë 12 vjecar, humbi jetën si pasojë e një mine të pashpërthyer, që ishte vendosur në fshat nga serbët, duke e cuar në 113 numrin e viktimave në këtë fshat. Në vitin 2012, misioni i BE në kosovë, eulex, nisi hetimet për më shumë se 56 banorë serbë të këtij fshati, që mendohet se ndodhen në serbi. Por, ende asnjë prej të identifikuarve, nuk është dënuar. Ndërsa Krusha e Madhe, ishte dëshmitare e një prej tetë masakrave më të mëdha në kosovë, ku në tre ditë u vranë e masakruan 241 persona, 850 shtëpi të fshatit u dogjën. Më 24 mars 1999, kishin filluar bombardimet ndaj ish jugosllavisë, një ditë më pas, Krusha e madhe dhe e vogël u bënë arena masakrash. Në Krushë të madhe dhe të vogël, cdo mars mbahen homazhe në nder të viktimave të masakrës serbe. Ende sot, një numër viktimash nuk janë gjetur.