Në mbarë botën, Korpusi i Marinsave të Shteteve të Bashkuara feston ditëlindjen çdo 10 nëntor me ballon tradicionale dhe ceremoninë e ndarjes së tortës. Edhe Ambasada Amerikane në Tiranë zhvilloi një ceremoni, por ndryshe për shkak të pandemisë. Këtë vit nuk pati mundësi të organizohe balloja e marinsave, e cila shënon ditëlindjen e 245-të. Ambasadorja Yuri Kim iu bashkua Marinsave në Kopshtin e Trëndafilave të Ambasadës për ceremoninë e prerjes së tortës dhe "mundësinë për të nderuar burrat dhe gratë e forcës më legjendare luftarake të Amerikës. Duke iu drejtuar Marinsave, Ambasadorja Kim tha se marinsat janë forca e vijës së parë që na mbron, teksa i cilësoi marinsat prezent në ceremonë si miqtë dhe kolegët besnikë me të cilët përfaqësojnë me krenari vendin ... Ju jeni më të mirët dhe më trimat që Amerika ka për të ofruar, dhe të gjithë ne jemi krenarë. Në fjalën e saj, Yuri Kim flet edhe për vendlindjen e saj, e cila ekziston, sepse marinsat amerikanë e bënë të mundur këtë. Diplomatja amerikane në Shqipëri, vuri në dukje edhe një tjetër fakt. Sipas saj, me disa përjashtime çdo Ambasadë Amerikane në të gjithë botën ruhet nga Marinsat.