Presidenti i Malit të Zi Jakov Millatoviç, ka reaguar pas kërcënimeve të ministrit serb të Mbrojtjes, me destabilitet të rajonit. Duke reaguar pas kërcënimeve të serbisë ndaj Malit të Zi dhe Maqedonisë së veriut, si dy vende që e kanë njohur kosovën, Milatovic tha se është e papranueshme cdo përpjekje e aktorëve të huaj, qofshin këta edhe rajonalë, për të ndërhyrë drejtpërdrejt apo tërthorazi në krijimin e qeverisë në Mal të Zi. Ministri i Mbrojtjes i Serbisë dhe kryetari i Partisë Progresive Serbe, Millosh Vuçeviç tha më herët se “Mali i Zi dhe Maqedonia e Veriut e kanë ofenduar Serbinë me njohjen e pavarësisë së Kosovës”, duke theksuar se “kjo përbën ndërhyrje në punët e brendshme të një vendi” dhe duke kërcënuar me destabilizimin e rajonit. “Keni bërë një gabim që do t’ju godasë në kokë, ashtu siç po ndodh në Ukrainë, do të godasë të gjithë ata që e promovuan Kosovën si shtet të pavarur. Ju keni hapur kutinë e Pandorës. Përgjigjet tuaja burokratike se Kosova është ‘sui generis’, se është një rast i veçantë, janë qesharake. As Albin Kurti dhe as Tirana nuk e besojnë në këtë”, tha Vuçevic për mediat serbe. Vec Malit të zi, edhe maqedonia e veriut dhe shqipëria kanë shprehur shqetësim për komentet e ministrit serb të mbrojtjes. Ministri i jashtëm i maqedonisë së veriut, Bujar Osmani, tha se vendi i tij i konsideron të papërshtatshme këto komente. “Ne duam stabilitet rajonal dhe bashkëpunim, si me serbinë ashtu edhe me kosovën. Ne presim sqarime nga ministri serb i mbrojtjes”, tha Osmani të hënën. Në intervistën e tij Vucevic po ashtu paralajmëroi se Tirana po përpiqet të krijonte një shqipëri të madhe në rajon dhe tha se mali i zi dhe maqedonia e veriut duhet të jenë të vetëdijshme për kërcënimin.