Lideri i një prej bandave më të rëndësishme serbe Radoje Zvicer, vijon të trazojë publikun, që prej datës 1 tetor kur u tha se është vrarë në një atentat. Mediat serbe shkruajnë se në fakt ka dyshime të forta, që ky personazh I njohur I botës së krimit, të ketë kryer operacione plastike në Turqi. Ky dyshim bazohet në një deklaratë të ish-oficerit të inteligjencës Bozhidar Spasiç. “Ka ndryshuar fytyren me shpresën se ky ndryshim dhe duke marrë një identitet të ri, ai do të mund të fillonte një jetë të re, larg armiqve të shumtë që duan ta shohin të vdekur. Plani i tij është ndoshta të rrisë flokët dhe mjekrën dhe me ndihmën e një kirurgu plastik të zvogëlojë ndjeshëm hundën dhe mollëzat e tij, të bëjë botoks në ballë, të transplantojë vetullat dhe të vendosë lente tek sytë. Më vonë, do të nxjerrë pasportë të re, me një identitet të ri dhe kështu do të rrijë larg telasheve të policisë”.