Emisioni investigativ Top Story, në puntatën e së mërkurës me temë ‘Lufta në Shqipëri’, u ndal për konfiktin mes Rusisë dhe Ukrainës dhe rreziqet që vendi ynë mund të hasë nga agresioni mes dy vendeve. Rritja e menjëhershme e cmimit të hidrokarbuereve dhe e cmimit të produkteve ushqimore, sipas qeverisë erdhi si pasojë e luftës mes dy vendeve. Vec Ukrainës, që prej 1 muaji është pushtuar nga Rusia, duket se objektivi i radhës i presidentit rus është Ballkani, aty ku Rusia ka një aleat të vjetër si Serbia. Në Shqipëri, influenca ekonomike dhe politike e Rusisë është e vogël pavarësisht tentativave të Kremlinit. Por kjo nuk e përjashton influencën përmes korrupsionit, spiunazhit apo mediave.