Aktet terroriste në Francë dhe Vjenë kanë rikthyer vëmendjen edhe në Shqipëri, kur autoritetet e hetimit janë duke vepruar për të forcuar ligjin në këtë drejtim. Ministria e Brendshme po punon për një strategji të re kundër terrorizmit, e cila do të reflektojë të gjitha metodat për të luftuar këtë fenomen. Një prej pikave të forta që do të jetë pjesë e kësaj strategjie është komponenti, që nënkupton një masë të fortë sinjalizuese. Burimet e Policisë bëjnë të ditur se Departamenti i Policisë Kriminale ka nisur ndërkohë të përfshijë një data basa (databejs) me të gjitha të dhënat e personave që kanë vepruar në të kaluarën, apo janë në lidhje me elementë të dyshimtë. Bëhet fjalë kryesisht për ata persona që kanë një ccështje në ngarkim, sicc ishte rasti i të arrestuarve dhe një pjesë prej tyre e dënuar e grupit të xhamisë së Mëzezit në Tiranë. Kjo xhami është një prej shtatë xhamive që operonin jashtë autoritetit të Komuniteti Mysliman Shqiptar. Ndryshe nga pjesa më e madhe e 727 xhamive të Shqipërisë, këto xhami e kanë refuzuar udhëheqjen nga imamë të caktuar nga Komuniteti Mysliman Shqiptar. Sipas një raporti, nga viti 2012 më shumë se 100 shqiptarë, kryesisht djem të rinj, i janë bashkuar grupeve të xhihadistëve që luftojnë në Siri. Pothuajse të gjithë iu bashkuan Al Nusrës-krahu ushtarak i Al Kaedas ose ISIS-it. Sipas burimeve të Shërbimit Informativ Shtetëror, pjesa më e madhe ishin radikalizuar dhe rekrutuar në xhami jashtë kontrollit të KMSH-së.