Gjykata e Lezhës vendosi masën e sigurisë detyrim paraqitjeje për Armando Ndrëcën, vëllain e deputetit të Partisë Socialiste, Eduard Ndreca që u arrestua tre ditë më parë si I përfshirë në kultivimin e bimeve narkotike në zonën e Kashnjetit në Lezhë. 32-vjeçari do hetohet në gjendje të lirë. Ndërkohë për dy të arrestuarit e tjerë Armel Nikdukaj dhe Elvis Shpellzai të cilët u kapen në stanin që e kishin përshtatur për kultivimin e bimëve narkotike, gjyqtarja Edlira Çota vendosi, arrest me burg. Porkuroria kërkoi mbylljen në qeli të të tre të arrestuarve por trupi gjykues pasi u njoh me provat dhe pretendimet e të akuzuarve ndryshoi qëndrim duke liruar vëllain e deputetit të PS. Ndaj tyre rëndon vepra penale "Kultivimi i bimëve narkotike e kryer në bashkëpunim". Sipas organit të akuzës, tre të ndaluarit dyshohet se në bashkëpunim me njëri-tjetrin kishin përshtatur në pyjet e fshatit Kashnjet një ambient ku kultivonin kanabis përmes llapave elektrike. Gjatë aksionit u asgjësuan afro 3 mijë bimë kanabisi.