Një gjykatë në beograd e la këtë mëngjes të lirë Milan Radoicic, por i vendosi atij një kufizim që e ndalon të dalë nga banesa, shkruan e përditshmja e beogradit, Blic. Ai po ashtu e ka të ndaluar të shkojë në Kosovë dhe të lërë serbinë pa një miratim nga gjykata ndërkohë që duhet të paraqitet në stacionet e policisë cdo datë 1 dhe 15 të cdo muaji. Po ahstu dokumentet e tij të udhëtimit, saktësisht pasaporta e tij serbe, është konfiskuar dhe ai është paralajmëruar se mund të kthehet në qeli nëse shkel ndonjë prej këtyre masave dhe obligimeve. Ai u mor në pyetje një ditë më parë në pallatin e drejtësisë dhe zyra e prokurorit publik të beogradit kërkoi mbajtjen e tij në paraburgim për 48 ore. Ai akuzohet nga autoritetet në Beograd, për blerje të armëve, municioneve dhe mjeteve shpërthyese me fuqi të madhe shkatërruese nga Tuzlla në Bosnje dhe Hercegovinë, nga janari 2023 deri më 24 shtator. Vetë Radoiçiq e ka mohuar kryerjen e këtyre krimeve. Më 29 shtator, Radoiçiq - i cili është në listën e zezë të SHBA-së për shkak të pjesëmarrjes së dyshuar në krim të organizuar ndërkombëtar - mori përgjegjësinë për organizimin e sulmit në Banjskë. Në këtë fshat të komunës së Zveçanit, grupe të armatosura serbësh sulmuan policinë e Kosovës më 24 shtator, duke vrarë rreshterin Afrim Bunjaku. Në shkëmbimin e zjarrit që pasoi, u vranë edhe tre sulmues. Radoiçiq ishte nënkryetar i Listës Serbe - partisë më të madhe të serbëve të Kosovës - por dha dorëheqje nga kjo pozitë në ditën kur mori përgjegjësinë për sulmin.