Gjykata e Tiranës ka vendosur masën e sigurisë arrest shtëpie për kandidatin si deputet te LSI Etjon Joka. Pas 6 muajsh në kërkim, Joka u arrestua të shtunën nën akuzën e korrupsionit në zgjedhje. Një video skandal I publikuar 2 ditë para zgjedhjeve të 25 prillit ekskluzivisht në emisionin Breaking në Top Neës, ku Joka shihej teksa bënte pazare për blerjen e votave në këmbim të 100 dolarëve, bëri që ky person të shpallej në kërkim. Ai bëntë fushatë në Tiranë me para në dorë, duke I ofruar njerëzve të ndryshëm 100 dollarë, në këmbim të votës së tyre. Ndaj 32-vjeçarit ishte caktuar masa 'arrest me burg' në mungesë. Mirëpo, para trupit gjykues, Joka ka kërkuar nje masë më te lehtë sigurie, me argumentin se ka një fëmijë të vogël 8 muajsh në shtëpi. Etjon Joka, kandidat i LSI në Njësinë nr. 1 në Tiranë u reklamua nga LSI si një prej të rinjve më premtues. Ai mori vetëm 320 vota në zgjedhjet e 25 Prillit, ndërsa ishte i shpallur në kërkim.