SPAK ka shpallur pretencën për kryebashkiakun e Devollit Eduart Duro, duke kërkuar dënimin e tij me 1 vit burg për shpërdorim detyre. Dënim ky që konvertohet në 3 vite shërbim prove duke i hequr dhe të drejtën për të ushtruar funksione publike për pesë vitet e ardhshme. Prokurori i çështjes Dritan Prençi ka kërkuar të njëjtin dënim dhe për katër zyrtarët e tjerë, përkatësisht Astrit Seferkolli, Gazment Haxhia, Gazment Mali dhe Vosjava Bregu. Në seancën e radhës që do mbahet javën e ardhshme mbrojtja do paraqesë kundërshtimet e saj dhe në fund gjykata do të vendos nëse do ta dënojë ose jo. Hetimet ndaj Duros dhë katër të tjerëve u mbyllën në dhjetor të vitit të shkuar nga SPAK, ku u konstatua se janë kryer shkelje ligjore në dhënien e lejes për një pikë karburanti në vitin 2015 në Devoll, dhe për autorizimin e saj 5 vite më vonë. Sipas SPAK që prej vitit 2015 dhe në vijim, janë realizuar përfitime të padrejta. në kundërshtim me ligjin janë realizuar. Për këtë ai akuzohet për veprën penale shpërdorim detyre në bashkëpunim.