Pas shtrëngimit të masave kufizuese, numri i rasteve të reja në Kosovë është ulur ndjeshëm,duke dërguar sinjale se ajo po e lë pas valën e tretë. Në 24 orët e fundit në Kosovë janë regjistruar 2 viktima si pasojë e COVID-19. Ministria e Shëndetësisë së Kosovës ka raportuar për 66 raste të reja të infektuara me këtë virus nga 4.363 testime të kryera. Ministria e Shëndetësisë bën me dije se në orët e fundit janë shëruar 221 qytetarë dhe se numri i të shtruarve në spitale është ulur ndjeshëm. Permirësimi i situatës vjen pa vendosjes së masave të reja që ndalojnë të pavaksinuarve hyrjen në bare, restorante dhe shumë ambiente pune pa një test PCR. Po ashtu Kosova ka vendosur një orë policore duke ndaluar lëvizjen nga ora 22:00 deri në orën 5:00 si dhe ka urdhëruar mbajtjen e detyrueshme të maskave në ambiente publike.