Në 100 vjetorin e marrëdhënieve diplomatike mes Shqipërisë dhe Shteteve të Bashkuara të Amerikës, diplomatja amerikane Yuri Kim ka ndarë lajmin e mirë për të gjithë shqiptarët që kalojnë kufijtë përtej oqeanit. Nëpërmjet një videomesazhi, ambasadorja Yuri Kim deklaroi se duke filluar nga data 1 prill, zgjatet vlefshmëria e vizave turistike dhe atyre të biznesit, nga 3 vjeçare që janë aktualisht, në 10 vjeçare. “Ndërsa festojmë 100 vjet marrëdhënie midis SHBA dhe Shqipërisë kam kënaqësinë të ndaj me ju lajmin e mrekullueshëm që besoj do t’i sjellë amerikanët dhe shqiptarët akoma dhe më afër së bashku.