Mirel Josa debutoi me sukses ne pankinen e Lacit teksa mori nje fitore te paster me rezultatin 2-0 ndaj Skenderbeut. Nje sukses tejet i rendesishem per kurbinasit qe duket se kane hedhur pas kraheve fillimin e veshtire te kampionatit. Vendasit e nisen me vendosmeri te larte takimin ku rrezikuan disa here porten e korcareve dhe u shperblyen per lojen e mire ne minuten e 40' ku Guindo u tregua i sakte nga pika e bardhe e penallitse. Fraksioni i dyte i lojes gjeti serish Lacin me kerkues dhe me voluminoz teksa vijuan dominimin ndaj kundershtareve. Ne minuten e 65', Guindo ndeshkoi serish Skenderbeun, ku pas nje pasimi perfekt te Deliut, leshoi goditjen qe theu per te dyten here portierin Rexhepi. Kjo eshte fitorja e dyte radhazi per Lacin qe dalin nga zona e ftohte ne renditje dhe ngjiten ne kuoten e 8 pikeve, ndersa Skenderbeu mbetet ne fundin e tabeles me vetem 3 pike pas 7 javesh te luajtura, nje ecuri aspak e mire qe lekund ndjeshem pozitat e trajnerit Migen Memelli ne krye te korcareve.