Partia Demokratike humb një betejë në Gjykatën Kushtetuese. Kërkesa e saj për ngritjen e një grupi hetimor për çështjen beketi, që lidhet me një vendim të Gjykatës së Arbitrazhit për dënimin e Shqipërisë me një vlerë prej 110 milionë euro nuk është marrë në konsideratë. Kërkesa u firmos pak kohë më parë nga një grup deputetësh të Partisë Demokratike zyrtare, të cilët kërkuan ngritjen e komisionit hetimor për të marrë marrë në shqyrtim dhe për të hetuar thellësisht shkeljet e qeverisë shqiptare në raport me biznesmenit Italian. Në njofitmin zyrtar të Gjykatës Kushtetuese thuhet se kërkesa u rrëzua për shkak të mosarritjes së numrit të kërkuar të votave për vendimmarrje. Për pasojë, Gjykata njofton se vendimi përfundimtar do të shpallet i arsyetuar brenda afateve të pëcaktuara ligjore. Por, duket se një vendim që në dukje nuk është edhe aq ligjor lidhet me një vendim tjetër. Këtë herë nga Gjykata Penale e Tiranës, e cila e ka dënuar biznesmenin italiane me 17 vite burg për akuzën e vjedhjes, shpërdorimit të detyrës, pastrimit të parave, falsifikimit të dokumenteve dhe krijimit të skemës së mashtrimit përmes tatimit mbi vlerën e shtuar.