Të tjera detaje janë zbuluar lidhur me arrestimin e tre efektivëve të policisë me kërkesë të SPAK dhe vendim të GJKKO si të dyshuar për përfshirje në trafikun e drogës. Në total u lëshuan 10 masa sigurie, ndërsa mes të ndaluarve janë Shkëlzen Ruska, shefi i Krimeve në Himarë, Ervis Alisinanaj, shefi i Krimeve në Lushnjë dhe Ish-efektivi Erdit Hazizaj, I cili ka qenë dhe kandidat i Berishës për kryetar bashkie në Roskoves më 2023. Në kërkim vijon shefi I policisë kufitare të Sarandës Elvis Dervishi. Ndaj grupit, pjesë e të cilit janë dhe drejtuesit e lartë të policisë rëndojnë një sërë akuzash, mes të cilave ajo e kultivimit e trafikimit të lëndëve narkotike; grupit të strukturuar kriminal; shpërdorimit të detyrës por dhe armëmbajtjes pa leje dhe falsifikimit të dokumenteve. Droga trafikohej, sipas SPAK nga Shqipëria drejt Greqisë. Ndërsa hetimet u kryen në basjlëpunim të ngushtë me Eurojust, Europol dhe agjencitë ligjzbatuese franceze dhe greke. Grupi I strukturuar kriminal vepronte në Sarandë gjatë viteve 2019-2021, ndërsa pjesëtaret e tij kishin detyra të caktuara për kultivimin e drogës që e mbillnin në zonat të caktuara por dhe ambiente të mbyllura. më pas droga dërgohej drejt Greqisë për t’u shitur, në krye të grupit ishte Kristi Qirici dhe Eldian Allushi. Përvec tyre pjesë e grupit ishin dhe dy italianë që janë dënuar në Greqi. Sipas SPAK, nëse anëtarët kapeshin, rrejti u mundësonte pagesën e avokatëve por dhe shërbime të tjera. Ndërkohë shefi I kufirit Elvis Dervishi dhe ish-efektivi Erdit Hazizaj I ndiuhmonin me këshilla e informacione duke u dhënë siguri në transportin e drogës.