Kryeministri i Kosovës, Albin Kurti ka dhënë një intervistë për prestigjiozen franceze “Le Monde, ku foli për marrëdhënien e ngushtë të Serbisë me Rusinë. Teksa u pyet për lidhjet mes Serbisë dhe Kosovës, Kurti tha se Beogradi dhe Moska kanë një lidhje më të fortë nga ajo cfarë e mendojnë njerëzit, ndërsa vecoi ‘Gazpromin’, ‘Sputnikun’ dhe lidhjet e inteligjencës ruso-serbe. “Gazprom zotëron 56% të industrisë së naftës në Serbi dhe 51% të kapacitetit të depozitimit të gazit. Në media, agjencia Sputnik drejton operacionet e saj për Ballkanin Perëndimor nga Beogradi; dhe mjafton të shikosh titujt e gazetave serbe për të kuptuar se kush i drejton realisht. Për sa i përket inteligjencës, Rusia mban të ashtuquajturën “qendër humanitare” në qytetin e Nishit. 151 deputetë të Kuvendit të Serbisë i përkasin grupit të miqësisë serbo-ruse. Edhe në Kosovë i kemi këto grupe të miqësisë parlamentare me vende të ndryshme, por asnjëherë nuk i kalon dymbëdhjetë persona.” Nga ana tjetër, Kurti tha se në Kosovë ka organizata të së djathtës ekstreme serbe, që njërin këmëb e kanë në Beograd dhe tjetrën në Moskë.