“Ciklet e shpeshta zgjedhore në Kosovë janë arsyeja kryesore pse prej kohësh, nuk ka pasur një rund të ri dialogu mes Prishtinës dhe Beogradit, në nivel liderësh”, ka shpjeguar përfaqësuesja e lartë e BE për Politikë të Jashtme dhe Siguri, Kaja Kallas. Diplomatja u shpreh për gazetarët se dy krerët e shtetit të dy vendeve, si presidenti serb Aleksander Vuçiç edhe kryeministri I Kosovës, Albin Kurti janë të gatshëm për një takim në kuadër të dialogut. Kallas ka trehuar se ihste planifikuar dialogu politik në nivel të lartë, dhe se kishte pëlqimin e të dy vendeve, por që zgjedhjet e reja të parakohshme të 7 qershorit, e shtyjnë procesin. “Po punoj veç e veç me të dyja palët që të mund të vazhdojmë me zbatimin e marrëveshjeve që tashmë janë në fuqi”, shtoi Kallas. Udhëheqësit e Kosovës dhe Serbisë janë takuar për herë të fundit në kuadër të dialogut për normalizimin e marrëdhënieve në shtator të vitit 2023.