Kjo verë ka qenë shumë emotive për shumë prej futbollistëve të cilët morën vendime të vështira sic është tërheqja nga kombëtaret respektive duke mbyllur një epokë tyren në përfaqësimin e vendit në kompeticionet ndërkombëtare. Në kombëtaren shqiptare janë dy futbollistë që morën vendimin për të lënë hapësira futbollistëve të rinj. Është rasti i Sokol Cikalleshi që e mbylli karrierën e tij me 60 ndeshje me fanelën kuqezi dhe 13 gola të shënuar. Po kështu edhe Klaus Gjasula një prej protagonistëve të skuadrës sonë në Euro 2024 ku spikati me autogolin e më pas golin në sfidën me Kroacinë, pas 5 vitesh i dha fund karrierës së tij me përfaqësuesen, dy lojtarë të cilëve do t’u jemi mirënjohës për kontributin që kanë dhënë për fanelën kuqezi. Do të jetë e vështirë që të mësohemi të shohim përfaqësuesen zvicerane pa Xherdan Shaqirin. Futbollisti i Bazelit e la skuadrën Helvete pas një karriere të shkëlqyer dhe me rekordin e shënimit të paktën një goli në secilin prej 6 turneve të fundit madhor. Por kjo verë që përkoi edhe Evropianin dhe Copa America, certifikoi mbylljen e ciklit me kombëtaret edhe për shumë prej yjeve të futbollit botëror. Te Spanja, Jesus Navas u tërhoq nga kombëtarja pas triumfit në Euro 2024, ndërkohë që në palmaresin e tij, përvec kompeticionit kontinental. është edhe botërori 2010 dhe Evropiani i 2012. Te Gjermania, Manuel neuer mori vendimin për të lënë kombëtaren 4 herë kampione të botës pas 124 ndeshjesh dhe me meritë konsiderohet si një ikonë e futbollit gjerman. Triumfi i Botërorit 2014 ishte suksesi më i madh. Po te Die Mannschaft erdhi koha e lamtumirës edhe për Thomas Muller pas 131 ndeshjeve, 45 golave dhe titullit botëror të fituar në 2014. Neuer dhe Muller i bashkohet dhe Ilkay Gundogan që luante për Gjermaninë që nga 2011 për ta lënë atë pas 82 ndeshjeve e 19 golave. Angel Di María ka qenë një institucion i vërtetë te Argjentina dhe e la skuadrën kampione të botës pas 145 ndeshjeve e 31 golve të shënuar. Kulmi i karrierës së tij është titulli botëror i fituar në Katar 2022, por ai ka fituar edhe 2 Kupa të Amerikës në 2021 e 2024. Anglia pa lamtumirën e Kieran Trippier që e mbylli karrierën me Tre Luanët pas 54 ndeshjesh dhe me shijen e hidhur të humbjes së dy finaleve evropiane radhazi në Euro 2020 e 2024 Nuk ka futbollist që të ketë shënuar më shumë gola se Olivier Giroud te Franca; 57 të tillë. Sulmuesi i Los Angeles FC e la kombëtaren transalpine pas 137 ndeshjesh.