“Mos kini frikë prej tij. Do ta mundni”. Kjo ishte këshilla e presidentit amerikan, donald trump për amerikanët nëse ata shqetësoheshin për marrjen e virusit. Ai i bëri komentet në një video mesazh të postuar menjëherë pasi doli nga spitali të hënën, pasi mori trajtim pas diagnostikimit. Por, sic ka nënvizuar shumëkush, ai është një burrë me një helikopter, një ekip të madh mjekësor dhe me trajtime eksperimentale në dispozicion. Por sa ndryshon panorama për amerikanët e thjeshtë me covid 19. Është e vështirë të imagjinosh që amerikani mesatar mund të ketë një trajtim të njëjtë me trump. Presidenti, ka një qendër mjeksore në shtëpinë e bardhë, por si kryekomandant i vendit ai ka edhe akses në qendrën ushtarake mjeksore valter reed, në meryland. Ai u transferua atje menjëherë pas diagnostikimit dhe qëndroi tre ditë në suitën presidenciale, një nga gjashtë dhomat që i rezervohen komandantëve ushtarakë dhe pjesëtarëve të kabinetit. Ajo përfshin një sallë ngrënieje, hapësira zyrash dhe kolltuqe për të pritur vizitorë.