Akumulimi i akullit në ingranazhet e uljes së një avioni F-35A të Forcave Ajrore Amerikane ishte shkak i aksidentit në Bazën Ajrore Eielson në Alaskë në janar, sipas një raporti të publikuar së fundmi mbi aksidentin. Incidenti nxjerr në pah një modalitet të automatizuar të funksionimit në tokë në strukturën e F-35, i cili përcaktoi gabimisht se avioni ishte ulur në tokë ndërkohë që në të vërtetë ndodhej ende në ajër, për shkak të mënyrës se si akulli kishte ndikuar në mbështetëset e ingranazhit të uljes. Forcat Ajrore të Paqësorit publikuan një raport të paklasifikuar mbi aksidentin në fjalë, i cili ndodhi më 28 janar. Një video që tregon avionin F-35A duke u rrëzuar vertikalisht në tokë dhe më pas duke shpërthyer në një lëmsh zjarri, u bë shpejt virale në atë kohë. Piloti, arriti të hidhej me katapultë dhe pësoi lëndime të lehta. Avioni u shkatërrua plotësisht dhe aksidenti i kushtoi Forcave Ajrore afërsisht 196.5 milionë dollarë. F-35A i rrëzuar ishte ngritur nga Eielson si pjesë e një trajnimit rutinë.