Dy fëmijë, të moshës tetë dhe dhjetë vjeç, u vranë dhe 17 të tjerë u plagosën në një shkollë në Minneapolis gjatë një sulmi me armë zjarri. Sulmi ndodhin në Shkollën Katolike të Ungjillit gjatë Meshës së mëngjesit , tha Shefi i Policisë Brian O'Hara, duke e etiketuar ngjarjen si një "akt të qëllimshëm dhune kundër fëmijëve dhe besimtarëve". Autori sipsa autoriteteve, u afrua jashtë anës së ndërtesës dhe filloi të qëllonte me pushkë përmes dritareve të kishës drejt fëmijëve që ishin ulur në stolat e meshës. “Ai goditi fëmijët dhe besimtarët brenda ndërtesës. Personi që qëlloi ishte i armatosur me pushkë, pushkë gjahu dhe pistoletë.”, tha shefi i policisë. ndërkohë një dëshmitar I tha SKY Neës se në zonë u dëgjuan të paktën 50 të shtëna. agresori I moshës rreth 20-vjeç, humbi jetën po ashtu pas sulmit. Sipas policisë, ai nuk kishte një të kaluar kriminale. "Ne besojmë se ai i mori jetën vetes në parking", tha O’Hara për mediat. Nga të shtënat u lënduan 14 fëmijë, dy prej të cilëve ndodhen në gjendje të rëndë për jetën. Për rastin reagoi dhe presidenti Trump. "Shtëpia e Bardhë do të vazhdojë të monitorojë këtë situatë të tmerrshme", shkroi ai në Truth Social. Ndërkohë kryebashkiaku Jacob Frey gjatë një konference shtypi dënoi rastin.