Ushtria izraelite ka ndërmarrë një operacion në qytetin Nablus në Bregun Perëndimor, thanë zyrtarët paletinezë këtë të mërkurë. Të paktën shtatë të plagosur u raportuan nga Gjysmëhëna e Kuqe gjatë këtij aksioni. Ndërkohë ushtria izraelite tha për AFP se forcat e saj po kryejnë një operacion në këtë qytet në veri të Bregut Perëndimor, por nuk kanë dhënë detaje se cili ka qenë qëllimi i tij. Operacioni nisi në orën 03:00, sipas kohës lokale, thanë banorët, të cilët raportuan se ushtarët me autoblinda mësynë disa lagjeve të qytetit të vjetër të Nablusit, që ka një popullsi prej rreth 30.000 banorësh. Operacioni vjen një ditë pasi forcat izraelite në Ramallah, ku gjendet selia e Autoritetit Palestinez, bën bastisje në një këmbimore në qendër të qytetit, duke lënë të plagosur dhjetëra palestinezë, sipas Shoqatës palestineze të Gjysmëhënës së Kuqe. Guvernatori i Nablusit, Ghassan Daghlas, i tha AFP-së se “sulmi i së mërkurës… është thjesht një shfaqje force pa asnjë justifikim”. Ndërsa zëdhënësi i Autoritetit Palestinez, përmes një deklarate dënoi “përshkallëzimin izraelit në qytetet dhe kampe të refugjatëve”, duke i quajtur operacionet e fundit “të rrezikshme dhe të papranueshme”.