Kremlini reagoi ashpër ndaj deklaratës së presidentit amerikan, Joe Biden, i cili tha se beson se presidenti rus, Vladimir Putin, është “vrasës”. Këto fjalë janë “shumë të rënda” dhe të pa precedent, deklaroi zëdhënësi i Kremlinit, Dmitry Peskov. Në komentet e para pas deklaratës së Bidenit të mërkurën, Peskov deklaroi se është e qartë që Biden nuk dëshiron të ndërtojë marrëdhënie konstruktive me Rusinë, dhe Moskës, tha ai, do t`i duhet ta marrë parasysh këtë qëndrim. Biden, në një intervistë për kanalin ABC Neës, u pyet nëse beson se presidenti rus është vrasës dhe ai tha “po”. Ai po ashtu e përshkroi Putinin si njeri pa shpirt dhe tha se Rusia “do të paguajë çmimin” për ndërhyrjen e dyshuar në zgjedhjet presidenciale në SHBA, në nëntor të vitit të kaluar. Pak orë pas komenteve të presidentit amerikan, Rusia i kërkoi ambasadorit të saj në SHBA të kthehet në Moskë për konsultime.Komentet e Bidenit erdhen pasi një raport i zbulimit amerikan përforconte akuzat e mëparshme se Putini fshihej pas ndërhyrjes së Moskës në zgjedhjet amerikane, akuzë të cilën Rusia e quajti të pabazë. Në të njëjtën kohë president ii SHBA theksoi se “ka hapësira ku është në interesin tonë të përbashkët që të bashkëpunohet” siç është rinovimi i marrëveshjes bërtahmore START, duke shtuar se dy udhëheqësit kanë një histori të gjatë njohjeje.