Drejtuesi në largim i SPAK, Arben Kraja takoi 3 pretendentët për ta zëvendësuar atë pas mbylljes së mandatit më 18 dhjetor. Takimi mes Krajës dhe 3 kandidatëve Adnan Xholi, Altin Dumani Edvin Kondili u zhvillua para se këta të fundit të shpalosnin programet e tyre përballë anëtarëve të Këshillit të Lartë të Prokurorisë. Ka qenë vetë Kraja ai që publikoi një foto nga ky takim, në rrjetet sociale, ku krahas fotos, Kraja shkruan: “Suksese kandidatëve për Drejtues ! SPAK do të vazhdojë të përmbushë detyrimet ligjore me efektivitet dhe me të lartë.” Arben Kraja është drejtuesi i parë i Prokurorisë së Posaçme, të ngritur si pjesë e reformës në Drejtësi, një investim i Shteteve të Bashkuara dhe Bashkimit Europian. Kjo strukturë ka kompetencë hetimin dhe goditjen e krimit të organizuar dhe korrupsionit mes zyrtarëve të nivelit të lartë. Mandati i Krajës mbyllet mes akuzave, se ka qenë i kapur politikisht.