Ambasadorët e vendeve të Kuintit I bënë thirrje qeverisë dhe Kuvendit të Kosovës, që të kundërshtojnë çdo përpjekje për prekjen ose zhvlerësimin e misionit të Dhomave të Specializuara dhe të Zyrës së Prokurorit të Specializuar, si dhe të sigurojnë që këto organizma ta kryejnë detyrën e tyre në përputhje me Kushtetutën e Kosovës. Përmes një deklarate për shtyp, pesë vende: Franca, Gjermania, Italia, Mbretëria e Bashkuar dhe SHBA-ja e përgëzuan vendimin e kryeparlamentares Vjosa Osmani për të kërkuar nga Gjykata Speciale që të shqyrtojë kërkesën e presidentit të Kosovës, Hashim Thaçi për disa ndryshime kushtetuese, që lidhen me mandatin e kësaj Gjykate. Ne deklaratë, është përgëzuar po ashtu Zyra e Prokurorit Special të Republikës së Kosovës për “respektimin e autoritetit të Zyrës së Prokurorit të Dhomave të Specializuara për të hetuar zbulimin e mundshëm të paligjshëm të dokumenteve dhe informatave të besueshme, njëkohësisht duke ofruar ndihmën e saj sipas nevojës“. Deklarata vjen nw njw kohw kur ende nuk dihet se kush është duke dërguar dokumente në zyret qendrore të Organizatës së Veteranëve të Luftës së UÇK-së, për të cilat po pretendohet se janë konfidenciale dhe të Dhomave Specializuara në Hagë.