7 vdekje dhe 239 raste të reja me koronavirus u konfirmuan gjatë 24 orëve të fundit në Kosovë. Në njoftimin e dërguar mediave nga Instituti Kombëtar i Shëndetësisë Publike, rastet pozitive u diktuan nga testimi i 401 kampioneve. Në total, bilanci I viktimave në Kosovë mbërrin kështu në 192. Infektimet e para, vendi I regjistroi në 13 mars. Një ditë më parë, Ministri i Shëndetësisë, Armend Zemaj, tha se për shkak të situatës së rënduar me COVID 19, autoritetet shëndetësore kanë hartuar një varg masash shtesë për të frenuar përhapjen e tij, të cilat përfshinin kufizimin e lëvizjeve, tubimeve, takimeve, por edhe zbutje të tyre në vendet ku virusi nuk është I pranishëm, ose të paktën mund të kontrollohet. Këto janë vlerësime që nëse aprovohen nga qeveria e Republikës së Kosovës do të jenë të zbatueshme nga dita e nesërme”, tha Zemaj. Autoritetet thanë gjatë fundjavës se Kosova ka një kapacitet prej 700 shtretërish për të trajtuar të sëmurët me COVID-19.