Kosova pritet që të ketë një rritje ekonomike prej 3 deri në 4 për qind gjatë vitit 2023. Kështu deklaroi guvernatori i Bankës Qendrore të Kosovsë, Fehmi Mehmeti, në konferencën e fundvitit. Mehmeti tha se këto parashikime janë të njëjta me ato që i ka dhënë Fondi Monetar Ndërkombëtar. Duke arsyetuar parashikimet rreth rritjes ekonomike, guvernatori Mehmeti tha se edhe ekonomia e Kosovës u prek nga zhvillimet globale, siç është lufta e Rusisë në Ukrainë që, sipas tij, ndërpreu zinxhirin furnizues.