Ashtu si edhe në vendet e tjera të rajonit, por edhe evropës, situata epidemiologjike në kosovë po tregon sinjale përkeqësimi pasi të mërkurën u konfirmuan 281 të infektuar me koronavirusin e ri. Sipas njoftimit të Institutit Kombëtar të Shëndetësisë Publike në kosovë, kjo shifër ka rezultuar pas kryerjes së 932 testimeve në terren. Ndërkohë numri i viktimave të koronavirusit për 24 orët e shkuara, është katër. Rastet aktive të koronavirusit në kosovë janë 2658 ndërkohë që 24 orët e shkuara autoritetet konfirmuan edhe shërimin e 97 pacientëve. Që nga mesi i marsit, kur në vend u shfaqën rastet e para, e deri më sot, në kosovë janë infektuar 18626 persona nga të cilët 673 kanë humbur jetën dhe 15295 janë shëruar.