Gjeneralmajor Angelo Michele RISTUCCIA, komandanti i misionit të KFOR-it të udhëhequr nga NATO, takoi në Beograd gjeneralin Milan Mojsilovic, Shef i Shtabit të Përgjithshëm të Forcave të Armatosura Serbe. Sipas një deklarate të KFOR, ata diskutuan për situatën e sigurisë në Kosovë dhe rëndësinë e ndërveprimit dhe bashkëpunimit efektiv ndërmjet komandantit të KFOR-it dhe shefit të mbrojtjes serbe. Komandanti i KFOR-it nënvizoi situatën e brishtë dhe falënderoi gjeneralin Mojsilovic për bashkëpunimin. Ristuccia takoi në beograd edhe ambasadorët e BE-së dhe QUINT-it, nën kujdesin e ambasdorit italian atje. Këta të fundit shprehën vlerësimin e tyre për punën jetike të KFOR-it në ndërtimin e një mjedisi të sigurt dhe sigurimin e lirisë së lëvizjes në Kosovë për të gjitha komunitetet, bazuar në mandatin e tij të OKB-së. Ndërsa duke folur për mediat serbe, komandanti i KFOR tha se misioni i tij është në menaxhim të përhershëm të krizave ndërsa sulmet e paprovokuara mbi trupat e NATO-s në veri të kosovës, më 29 maj të këtij viti, ishin edhe momenti më i tensionuar në dekadën e fundit. Sipas komandantit italian të KFOR-it, vetëm një zgjidhje politike mund të sjellë paqe dhe stabilitet të pakthyeshëm në rajon. “Kjo është arsyeja pse NATO vazhdon të mbështesë plotësisht dialogun e lehtësuar nga BE-ja dhe përpjekjet e tjera që synojnë normalizimin e marrëdhënieve ndërmjet Prishtinës dhe Beogradit”, tha gjeneralmajor RISTUCCIA.