Bashkesia islame e Kosovës reagoi kundër ambasadorit të Kosovës në Francë, Qëndrim Gashi, I cili shpërndau një artikull të gazetës franceze “Le Figaro”, ku ishin përdorur karikaturat e Profetit Muhamed të revistës “Charlie Hebdo”.” Ky akt është i papranueshëm, i dënueshëm dhe një veprim i tillë vetëm sa rrit mos durimin, urrejtjen dhemosbesimin mes njerezve; ofendimi dhe sulmi i tjetrit, e sidomos kur kjo ka të bëj me çështjen e besimit, nuk paraqet asnjë vlerë”, thuhet ne deklaratën e lëshuar prej saj. Aty theksohet gjithashtu se harmonia ndër fetare që ne kultivojmë me shekuj mund të jetë shembulli i mirë edhe për popujt dhe shoqëritë tjera. Këtë shembull të mirë e vlerë të kombit tonë do të duhej ta ndiqte edhe ambasadori ynë, zoti Gashi, e jo të bëj të kundërtën, e me veprimet e tij të kontribuojë në urrejtjen me bazë fetare”. Ambasada e Kosovës në Paris e kontaktuar nga Zëri i Amerikës, nuk komentoi reagimin e Bashkësisë Islame të Kosovës. Bashkësia Islame e dënoi ndërkohë dhe “aktin kriminal ndaj mësuesit francez duke shtuar se “në të njëjtën kohë angazhohen që besimet tona të mos përdorën për urrejtje e mos durim, por për bashkëjetesë, njohje, respekt e dashuri”.