Një person është kapur nga Policia e Durrësit duke përgatitur katin e tretë të vilës së tij për ta përshtatur në shtëpi bari. Godina ndodhej në lagjen 15 të qytetit bregdetar dhe në kuadër të operacionit ‘Parandalimi’ është arrestuar shtetasi Paulin Lleshaj, 47 vjeç, pronari i banesës. Blutë e Durrësit kishin marrë informacione në rrugë operative se ky shtetas po përgatiste katin e tretë të banesës së tij për ta përshtatur për kultivim të bimëve narkotike, me anë të ngrohjes me llamba. Pas kontrollit neë banesën e tij, uniformat blu gjetën 4800 fara Cannabis Sativa, një sasi lënde narkotike, 23 llamba dhe 22 kondensatorë, si dhe pajisje të tjera që do të shërbenin për kultivimin e kanabisit, me anë të llambave.