Autoritetet shqiptare kanë ekstraduar 3 shtetas të shpallur në kërkim ndërkombëtar që u kapën në Itali dhe Greqi. Policia bën me dije se ekstradua nga Italia drejt Shqipërisë, shtetasi shqiptar Ilir Duro, 51 vjeç. Ky shtetas ishte shpallur në kërkim ndërkombëtar, pasi Gjykata kundër Korrupsionit dhe Krimit të Organizuar i ka caktuar masën e sigurisë “Arrest në burg”, për veprat penale ‘’Prodhimi dhe shitja e narkotikëve’’, ‘’Grupi i strukturuar kriminal’’ dhe ‘’Kryerja e veprave penale nga grupi i strukturuar kriminal’’. Ai dyshohet se ka qenë pjesë e një grupi kriminal që merrej me transportimin, shitjen dhe trafikimin e lëndëve narkotike.