Një aksident ka ndodhur mesditën e kësaj të mërkure në aksin rrugor Lezhë-Milot. Një automjet kamionçinë me drejtues shtetasin A.P, është përplasur me një motor, ku po udhëtonin dy persona. Për pasojë Agustin M. dhe pasagjeri Florian Picaku kanë marrë dëmtime të rënda dhe janë dërguar në spitalin e Traumës në Tiranë për një ndihmë të specializuar mjekësore. Ndërsa drejtuesi i kamionçinës është shoqëruar në Policinë e Lezhës. Një grup hetimor po heton për të mësuar shkaqet e ngjarjes.