10 orë iu deshën presidentit serb, Aleksander Vucic për të mbërritur në Moskë, ku do të marrë pjesë në festimet e ditës së fitores mbi gjermaninë naziste, pasi avioni me të cilin ai udhëtonte u detyrua të ndalej në Azerbajxhan, për shkak të sulmeve ukrainase me dronë që cuan në mbylljen e aeroporteve në kryeqytetin rus. Avioni i vucic u ul përkohësisht në Baku, Azerbajxhan, pasi disa shtete mbyllën hapësirën e tyre ajrore për shkak të sulmeve ukrainase me dronë në Moskë. Vuçiç u vonua për rreth dy orë në aeroportin e Bakus para se të nisej përsëri për në Moskë. Sidoqoftë ai mbërriti në Moskë të mërkurën në mbrëmje, duke rrezikuar zemërimin e brukselit. Televizioni shtetëror rus shfaqi pamje të Vuçiçit në kryeqytet, ku Kremlini tha se ai do të ketë gjithashtu një takim me Presidentin Vladimir Putin pas paradës të së premtes. "Pas shumë vitesh, përsëri në Moskë", shkroi Vuçiç në Instagram, duke ndarë një foto të tij në aeroportin e Moskës. Bashkimi Evropian ka paralajmëruar vazhdimisht se nuk do t'i shohë me sy të mirë veprime të tilla nga shtetet anëtare ose vendet kandidate, sic është edhe serbia që prej 2012-ës. "Marrëdhëniet me Rusinë nuk mund të jenë si zakonisht", tha zëdhënësi i Komisionit Evropian, Markus Lammert, javën e kaluar, duke iu referuar pushtimit të Ukrainës nga Moska. Por ai nuk pranoi të spekulojë për ndonjë pasojë. Kjo i ka lënë hapësirë për manovrim Vuçiçit, të cilin Putini e nderoi me një çmim të lartë në vitin 2019 për promovimin e lidhjeve midis vendeve. Serbia ka mbajtur prej kohësh lidhje të ngushta me Rusinë dhe ndan me të një neveri të përbashkët ndaj NATO-s që nga bombardimet e luftës në Kosovë në vitin 1999.