Kjo javë do të jetë "shumë kritike" për bisedimet për fundin e luftës mes Rusisë dhe Ukrainës, pasi SHBA do të vendosë nëse është një "përpjekje në të cilën do të vazhdojë të jetë e përfshirë", tha sekretari amerikan i shtetit. Marco Rubio u tha mediave amerikane se Donald Trump nuk ka vendosur sanksione të reja ndaj Rusisë sepse ai ende shpreson që diplomacia të mund t'i japë fund luftës. Duke folur për programin Meet the Press të NBC, Rubio tha: "Ka arsye për të qenë optimistë, por ka po ashtu arsye për të qenë realistë. Jemi afër, por nuk jemi aty ku duhet. Gjatë gjithë këtij procesi, bëhet fjalë për përcaktimin nëse të dyja palët duan vërtet paqe dhe sa afër ose sa larg janë njëra-tjetrës pas 90 ditësh përpjekje... kjo është ajo që po përpiqemi të përcaktojmë këtë javë." Duke iu referuar mundësisë së vendosjes së sanksioneve ndaj Vladimir Putinit, Rubio tha: "Në momentin që fillon të bësh gjëra të tilla, po largohesh prej bisedimeve".