Kryeministri I Kosovës, Albin Kurti shprehet se është kërcënuar nga terroristët për shkak të shkatërrimit të një baze armatimesh kontrabandë në veri të Kosovës. Në një intervistë për medien Estoneze, Delfi, Kurti shprehet se ka prova që vërtetojnë se serbët që bojkotuan zgjedhjet në veri të vendit, çka solli edhe tensionet në komunat me shumicë serbe, ishin anëtar të gurpit mercenary ‘Wagner’. Për këtë ai u shpreh se është I shqetësuar për përfshirjen e Rusisë në tensionet Kosovë-Serbi. “Dje kemi konfiskuar një sasi të madhe municionesh dhe kallashnikovë nga një shtëpi në një komunë me shumicë serbe në veri të Kosovës. Pak para se të vija në intervistë, mora një tjetër letër kërcënuese nga terroristët, ku thuhej me tallje se armët që kishim sekuestruar ishin vetëm një pjesë e vogël e pajisjeve të tyre", ka deklaruar Kurti. Sipas Albin Kurtit, anëtarë të grupit Wagner dhe Ujqërit e Natës, një klub rus i motoçiklistëve i njohur për lidhjen e tij të ngushtë me Kremlinin, kishin hyrë në Kosovë nga Serbia dhjetorin e kaluar. Sipas tij, këta persona kishin krijuar lidhje të ngushta me organizatat terroriste që veprojnë në rajon dhe kanë shkaktuar trazirat.