Izraeli ëhstë i përgatitur të reagojë kundër përpjekjeve të rebelëve Houthi në Jemen për të ndaluar lundrimin në detin e kuq nëse komuniteti ndërkombëtar nuk do ta bëjë këtë, tha këshilltari i sigurisë kombëtare të vendit Tzaki Hanegbi. Kryeministri izraelit, benjamin netanjahu ka biseduar me presidentin amerikan Joe Biden si edhe me liderë evropianë për vënien nën shënjestër të anijeve tregtare me lidhje të supozuara me izraelin nga ana e rebelëve houthi – tha Hanegbi. “Izraeli i ka dhënë kohë botës që të organizohet në mënyrë që të parandalojë gjithë këtë, por nëse nuk do të ketë një reagim global, pasi kjo është një cështje globale, ne do të veprojmë vetë me qëllim që të heqim këtë bllokadë detare”, tha ai. Rebelët houthi të jemenit, të mbështetur nga Irani, janë një organizatë politike dhe ushtarake shiite që ka nisur një luftë civile kundër koalicionit të mbështetur nga arabia saudite që nga 2014-ta. Ka patur një intensifikim të aktiviteteve të tyre detare që nga sulmi i hamasit në izrael, më 7 tetor. Luftanijet amerikane janë aktualisht duke mbrojtur lundrimin në rajon. Javën e kaluar, një luftanije amerikane rrëzoi disa mjete ajrore pa pilot që pretendohet se ishin lëshuar nga zonat e jemenit të kontrolluara nga lëvizja Houthi, në pjesën jugore të detit të kuq. Një prej këtyre incidenteve ndodhi gjatë një serie sulmesh mbi tre mjete lundruese komerciale. Tani, zyrtarët amerikanë thonë se po vlerësojnë mundësinë e rrritjes së masave mbrojtëse në këto trajektore të rëndësishme lundrimi.